sł.: Eugeniusz Pryczkowski
muz.: Jerzy Stachurski
W gòdowé dnie nômili mie
jawi sã domôcô chëcz.
Na zberkù wsë z familią le
më dbelë ò rodną zwëcz.
Ref. Te krótczé chwile ùszłë tak mile,
tej przëszło rëgnąc mie dalek w swiat
jim wiek je starszi tim corôz barżi
jô chcôłbëm wrócëc do tëch tam lat.
Wëzéróm w dôl dze rodny môl,
skąd ùczba nôlepszô szła
z òjcowską dbą i matczi skrą
w nieznóné mie stronë sła.
Ref. Te krótczé chwile...
Kòl gòdnëch chwil wspòminków dzél
wëriwô sã z serca rôd -
na jegò dnie stanowią mie
na wiedno nôdrogszi skłôd.
Ref. Te krótczé chwile...
