Z pòkòleniów jidą klëczi,
Jaczé lëdztwò bëlno trzimie,
Że w ti zemi jaż pò wieczi
Swiąda Kaszëb nie zadżinie.
Temù niechbë pò kùńc czasów
Nieslë tczã ti zemi gzubë
Do ji dzejów, jezór, lasów
- Żebë nie przëszła do zgùbë.
Ref. Niech mdze chwała rodny mòwie
I kùlturze z nią złączony,
Co òd ksążąt lud nasz chòwie,
Bò Kaszëbóm namienionô.
Chcemë z nią jak nasz Wëbicczi,
Co sã rodzył w Bãdominie,
Generalsczé sprzëgac lécczi
Pòczim żëcé w nas nie minie.
Tej le w marszu pòjmë drawò,
Pòdług sëna rodny zemi,
Tatczëznowi bronic sprawë
Jaż na lepszé sã òdmieni.
Ref. Niech mdze chwała rodny mòwie
I kùlturze z nią złączony,
Co òd ksążąt lud nasz chòwie,
Bò Kaszëbóm namienionô.
