Czekawi miã wiele rzeczi, òsoblëwie historiô, téż ta nôdôwniészô.
Niedôwno napisôł jem lëst do zôkònnika, brata Zbigniewa
Jóskòwsczégò, w jaczim kąsk szerzi jem sã rozpisôł na temat stôrëch
dzejów swiata. Wëjimk z tegò lëstu pùszczã tu w òbiég midzë Waju,
chtërny rozmiejeta pò kaszëbskù (téż do brata Zbigniewa, żebë
wiedzôł; móm nôdzejã, że sã nie òbrazy na mie...). Bò to nie są jaczés
sprawë priwatné, a szkòda, żebë tak czekawé infòrmacje sã
marnowałë leżąc w mòjim kómpùtrowim archiwùm („nié pò to je wid,
żebë stojôł pòd kòrcã”).
Dołącziwóm téż dwa jinszé lëstë. Jeden do nowòzapòznónégò
mieszkańca Katowiców Michala Szczepańsczégò, drëdżi do prof.
Tadeùsza Lewaszkiewicza, chtëren midzë jinszima wëstawił òpiniã
(pòzytiwną...) mòjémù, jesz niewëdónémù drëkã Słownikòwi
Słowińskò-Kaszëbsczémù. Drëdżim òpiniodôwcą tegò Słownika je
prof. Mark Cëbùlsczi ze Gduńska. – Słownik pòwinien sã wnet
ùkazac...
Do tegò dodôwóm „skanë” ò pismie rongo-rongo.
Në i rozséłóm jesz rôz mój lëst pisóny do redakcji DoRzeczy, pn.
Ewolucja.
Mëszlã, że wszëtczé te tekstë mògą téż Waju zaczekawic i skłonic do
zastanowieniô nad dzejama swiata, czë do pòszerzeniô swòji wiédze
(np. przez sznëpòrzenié w internece).
Pòzdrôwióm Waju wszëtczich i żëczã (jesz rôz) spòkójnëch, zdrowëch
i wiesołëch Swiãt Bòżégò Narodzeniô.
XXXXXXXXXXXXXXXXXXXXXXXXXXXXXXXXXXXX