Tam, gdze Wisła od Krakowa
W polscie morze płenie,
Polsko wiara, polsko mowa
Nigde nie zadzinie.
R: Nigde do zgube
Nie przyńdą Kaszebe,
Marsz, marsz, marsz za wrogem!
Me trzimóme z Bogem!
Me z Mniemcami wieczi całe
Krwawe wiedle wojne,
Wolne piesnie wjedno brzmniałe
Bez gore i chojne.
Przeszed Krzyżok w twardy blasze,
Poleł wse i mniasta,
Za to jego cepe nasze
Grzmocełe lot dwa sta.
Nos zawołoł do swy rote
Polsci krol Jadziełło,
Tej w mniemniecciech karkach gnote
Trzeszczałe jaż mniło.
Gdze krol Kazmnierz gnoł Krzyżoka?
Gnoł go pod Chonice!
Bo go zgnietle jak roboka
Kaszubscie kłonice.
Ciej roz naju okrętami
Szwede najachale,
Me żesme jech kapuzami
Z Pucka wenekale.
Krzyżem swiętym przeżegnanie,
Sec, secziera, kosa,
Z tim Kaszeba w piekle stanie,
Djobłu utrze nosa.
Nasz Stanisłow Kostka swięty,
Co sę u nos rodzeł,
Nie dopuscy, be zawzęty
Wrog nąm długo szkodzeł.
Płaczą matczi nad senama,
Płaczą dzys dzewice,
Hola! Jesz je Bóg nad nama,
Doł cepe, kłonice!
R: Nigde do zgube
Nie przyńdą Kaszebe,
Marsz, marsz, marsz za wrogem!
Me trzimóme z Bogem!
Więcej: http://www.szwajcaria-kaszubska.pl/kaszuby/spolecznosc/item/674-scenariusz
