Społeczność

Kaszuby - (kasz. Kaszëbë lub Kaszëbskô) to kraina historyczna w Polsce, będąca częścią Pomorza, którą zamieszkują Kaszubi, Tutaj prezentujemy historie ludzi związanych z regionem Kaszub.

poniedziałek, 17 wrzesień 2012 09:36

Gòscë z Kanadë

Autor: 
Oceń ten artykuł
(5 głosów)

- To je dobrô mësl, ale jô jesz to powiém Terese, bò jak të wiész, òna wësziwô ë chce widzec te waje stôré kòscołë i wësziwë w nich, a jesz co wicy – powiedzôł David.- Ten twój prastark béł nibë z Bòrzestowa, to òni kòscół miele w Chmielnie. Tam w Chmielnie je jezoro ë mòże wënając mieszkanié - co të na to? - spitôł Michôł. - Wa w tim Żukòwie mieszkôta krótkò drodzi do Gduńska ë tu je taczi trzôsk, a më bë chcelë kąsk spòkójno, gdze kòl jezora pòmieszkac – powiedzôł David Chapeskie, chòc na niegò gôdale John ë taczi òn miôł drëdzé miono, cos tak jak Jón Czôpiewsczi kòl Bòrzestowa ùrodzony, chtëren XIX stalata wëcygnął do Kanadë. Do Czôpiewsczich w Żukòwie przëjachale gòscë, chterné sã naziwale Chapeskie, a aùtã z latawiszcza zabrôł jich Michôł Czôpiewsczi ze swoim szwagrã. Jak òni zjedlë kąsk młodzowégò kùcha ë wëpile kawë tej chłopi wëszle z bùdinkù bùten.

 

-  Mòja białka Paulina wësziwô ë ùczi wësziwù dzewczãta w szkòle, bò òna bëła szkólną, a terô je na penzji ë mòże sobie kąsk przëzarobic, bò tak òb zëmã na to ògrziwanié bùdinku nie chce nama dëtków sëgnąc. Żukòwò mô wësziwë, bò mô baro stôri kòscół, chtëren pòstawic dôł nasz ksyżëc Mscëwòj, a jegò białka - Zwinisława - dlô klôsztoru przë nim dodała Óksëwié. Pò ksyżëcu Swiãtopôłkù òstôł ù nas płôszcz, chtëren béł tu òd stalat, ale w òstatny wòjnie zdżinął, a jak gò w Niemcach nalezle, to òn jakòs òstôł we Gduńskù, a nama gò nie òddalë. Nôstarszi ledze gò tu w Żukowie widzele ë to pamiãtają. Tu je grób podwëższi klôsztornic, ksyżënczi Widosławë ë ji sostrów. Kòl nas w Żukòwie je kòlibka kaszëbsczégò wësziwù, z klôsztoru òd nas òn szedł w swiat. Tu dzéwczãta ë białczi dali wësziwają – rzekł Michôł.

- To Żukòwò mùszało bëc rôz czedes bògaté, a më w ti Kanadze sã za baro nie zbògacelë - powiedzôł David – a je to dalek do Chmielna òd waji? – spitôł David.

- Sztëk drodzi je.

- Jô spitóm Teresã, czë òna chce tam jachac - rzekł David ë szedł do białków.

Jak òn przëszedł nazôd rzekł do Michała – Jedzemë!
Nie bawiało długò, a sztërzech lëdzy jachało aùtã szasëją do Chmielna. Za czerownicą béł szwadżer Michała, chtëren gòscy z Kanadë wiózł. Michôł nie brëkòwôł òpasowac co są na drodze dzeje, a miôł czas na òpòwiôdanié.

- We Gduńskù tã Wësoką Brómã, Dłudzi Rënk ë Mariacczi kòscół z jegò stolemną wieżą wa bë mia w ti naszi kaszëbsczi stolëcë òbezdrzec.

- A téż wierã Trzë Krziże "Solidarnoscë" kòl gduńsczi òkrãtowni ë katédrã w Òléwie wôrt je òbezdrzec?- rzekł David.

-  Kò pewno, że w Òlëwie wa bë mia widzec stôrodôwny, czôrny grobówc naszich ksyżëców ë pòsłëchac mùzyczi òrganów.

- Jô liczã, że do Czôpiewic më téż zajedzemë, bò òd ti wsë je nôzwëskò Czôpiewsczi – rzekł David.

- Jak wiodro bãdze dobré, to i tam zajedzemë, ale terô më mómë z lewi stronë jezoro, a przed nama je Chmielno – powiedzôł Michôł.

- Terô jedzemë pòd kòscół, chtëren pòdarowa klôsztornicóm ze Żukòwa Damroka, a mòże gdze krótkò jaką kwatérą nalézemë – rzekł David.

Przë kùńcu maja nie bëło jesz cążkò z nalézenim placu ë gòscë z Kanadë najãlë jizbã, môłą kùchniã ë kąpnicã. Terô òni sã chcelë bëlno wëspac pò dłudżi drodze, a jak David dôł Michałowi ksązkã ò rodze Chapeskie w Kanadze, òn pòdzãkòwôł za darënk, rôcził jich do Żukòwa na pôłnié, na zawitro i ze swojim szwagrã òdjachôł.

(opublikowane fragmenty: Marión Jelińsczi "Gòsce z Kanadë" Zymk, zsziwk nr 7 (2008), 34-38)

Czytany 12782 razy Ostatnio zmieniany piątek, 09 listopad 2012 15:50
Marian Jeliński

Marian Jeliński, Ph.D. (kashubian: Marión Jelińsczi) urodzony w 1949 w miejscowości Siemirowice (kashubian: Szëmrejce). Mieszkaniec Żukowa.

Więcej szczegółów w niniejszym linku lub w anglojęzycznej Wikipedii.

Skomentuj

Komentarz zostanie opublikowany po zatwierdzeniu przez redakcję.


Proszę rozwiązać proste zadanie (blokada antyspamowa):

Najnowsze od Marian Jeliński

Skocz do:

Polecamy

Agroturystyka Kaszuby
( / Baza noclegowa)

Zdjęcie z galerii

Ostatnie komentarze

Gościmy

Odwiedza nas 151 gości oraz 0 użytkowników.

szwajcaria-kaszubska.pl