Społeczność

Kaszuby - (kasz. Kaszëbë lub Kaszëbskô) to kraina historyczna w Polsce, będąca częścią Pomorza, którą zamieszkują Kaszubi, Tutaj prezentujemy historie ludzi związanych z regionem Kaszub.

sobota, 15 luty 2020 10:27

HIERONIM DERDOWSCZI - MIDZËMÒRZÉ HÉL I TRZË KÃPË

Autor:  HIERONIM DERDOWSCZI (Hieronim Derdowski)
Oceń ten artykuł
(1 głos)

MIDZËMÒRZÉ HÉL I TRZË KÃPË

Òn bez strachù ale jachôł na kaszëbsczi arce
I òbzérôł sã dokòła jak żôłniérz na warce. -
Bôt ju płënął na pòłowie drodżi srodze nôgle,
Bò mù wiater òd zôchòdu mòcno dmùchôł w żôgle. -
Tam gdzes dalek pãdzy òkrãt, jeden tu, tam drudżi,
A tu z lądu cygnie w wòdã zëmny jãzëk dłudżi.
Ten z pòczątkù je ceniuszczi, pòtim sã rozszérzô,
A na jegò kùńcu widac cos jak czejbë wieżą.
Czôrlińsczi sã pitô Mùżë, co téż to bëc mòże?
Ten mù rzecze, że to nasze hélsczé midzëmòrzé.
Òno mô, jak wëmierzëlë, sédem mil długòscë,
Ale czasã jeno szescset kroków szerokòscë.
Òno biôłé tam na kùńcu to je czub latarnie,
A tu procëm bôtu dzoba òbie są Jastarnie:
Nasza Pùckô, w chtërny pòlskô je swiątëniô pańskô,
A co leżi zarô òbòk, to Jastarniô Gdańskô.
Piérwi na tim miescu - ale to ju czasë starë -
Jaczés stari jãdzë Jastrze skłôdelë òfiarë;
A że to w czas wielkanocny robilë pògónie,
Stąd Jstrama më zowiemë Pańsczé Zmôrtwëchwstónié.
Dali ksobie leżi Kùsfeld, za nim wej Cejnowa,
W szterech wsach nëch nie ùczëjesz miemiecczégò słowa.
Króm mieszkańców miastka, co je nazëwają Hélą,
Wszëscë wiarã z Pòlôkama jak i serce dzelą.
Nasze wiosczi są òd sebie dalek òddaloné,
Le wązutczé za chëczama mómë tam zôgónë;
Bò wnet wszëtek ląd zajãti je królewsczim lasã,
To te drzewa, co sã w mòrze dłudżim cygną pasã.
Ale më ò wiôldżé gruńta wcôle tu nie dbómë,
Bò so w mòrzu pòżëwieniô sécama szukómë.
Më, Hélanie, nie znajemë wòza ani kòni,
Bò nôs darmò wòzy wiater pò falisti toni.
Nasze chëczë grodzą nama srodze drodżé scanë,
Bò z rozbitëch je òkrãtów mómë zbùdowané.
Las wspaniałi nama twòrzą przed òknama masztë
I pòdnoszą z dumą w górã głowë swé spiczasté.
Hél nasz to je nôszczeslëwszi z całi zemi kątek,
Bò chto mô tu pôrã bôtów, wiôldżi mô majątek.
Szlachcëc pilnie na kòżdusczi Mùżë słowò zwôżôł,
Nigdë tëlé òn ò Hélu so nie wëòbrôżôł[...]

Czytany 1030 razy
Dział: Pò kaszëbskù
Etykiety
Więcej w tej kategorii: « HIERONIM DERDOWSCZI - CO ZWÒNË MÓWIŁË ZA ÙMARŁIM
HIERONIM DERDOWSCZI - PANI CZÔRLIŃSKÔ PŁACZE Ò CHŁOPA... »

Skomentuj

Komentarz zostanie opublikowany po zatwierdzeniu przez redakcję.


Proszę rozwiązać proste zadanie (blokada antyspamowa):
Powrót na górę

Artykuły powiązane

Skocz do:

Ostatnio dodane

Naj. z ostatnich 3 miesięcy

Polecamy

Plac zabaw - Garcz
( / Place zabaw)

Zdjęcie z galerii

Miss-293

Najwyżej oceniane

[Zobacz więcej]

Najpopularniejsze z 6 msc.

[Zobacz więcej]

Ostatnie komentarze

Gościmy

Odwiedza nas 380 gości oraz 0 użytkowników.

Etykiety

Banino Borzestowo Cartusia Chmielno fotorelacja Garcz Historia Kartuzy Kaszubi Kaszuby Konkurs kościół Kożyczkowo literatura kaszubska mammografia Miechucino miejscowość Muzeum Kaszubskie Ostrzyce poezja proza Rodnô Mòwa Sianowo Sierakowice sport Szwajcaria Kaszubska Turystyka wojna Zrzeszenie Kaszubsko – Pomorskie w Baninie Żukowo

Akademia Kaszubska

szwajcaria-kaszubska.pl