Zwònë biją
Zwònë biją, spiéw rozlégô * Chwała Bògù wszãdze brzëmi * Dobéł
Christus mòcë złégò * Z martwëch przëszedł Pón ti zemi.
Ref.Alleluja, Jezës żëje * Grzéchë naje zgładzył * Wiedno, wiedno
niech królëje * W żëcym nas prowadzy.
Nëkôł Pioter razã z Janã * Grób ju béł òtemkłi szerok * Christus z
niegò pòwstôł z rena * Tak sã sprôwdzył Bòsczi wërok.
Pòmión niese tã wiesc wszëtczim, * Że Król z grobù wëszedł cało. *
Pòjąc nie chce rozëm lëdzczi, * Co pò prôwdze tej sã stało.
Na Twòje Zmartwëchwstanié
Słuńce je na niebie, * Wòłô głosno zwón, * Jidzemë do Cebie * Òd
kaszëbsczich strón.
Ref. Na to Twòje Zmartwëchwstanié terô bądze zaspiéwanié:
*Alleluja,Alleluja. * Na to Twòje Zmartwëchwstanié * Bądze Bògù dzãkòwanié:
*Alleluja,Alleluja.
Jidze redosc mòstã, * Ùzdrza biôłi kwiat. * Terô kùńc je z pòstã, *
Niech wié ò tim swiat.
