Jaczé fejné, jaczé miodné,
Në i farwné, skòczné, rëszné,
Przë nich nawet nie są głodné,
Le dërch czëją sã ùceszny.
Tak są baro w te grë wdóné,
Strzéle, biôtczi i gònienié,
Òstré jazdë, dëtczi próné
- Kòmpùterkòwé òbarchnienié.
| Utwór | Play/Stop | Czas | ||
|---|---|---|---|---|
| Komputerkowe obarchnienie | 2:38 min | |||
Skòrno le ze szkòłë przińdą
Pôłnié chwatkò mają zjadłé
A tej znowa z òczu zéńdą
Bò są kòl kòmpùtra sadłé.
Tak są baro w te grë wdóné,
Strzéle, biôtczi i gònienié,
Òstré jazdë, dëtczi próné
- Kòmpùterkòwé òbarchnienié.
Sedzec mògą òb dzéń całi -
Mùsk złączenié mô z masziną.
Słowa z bòkù wëlecałé -
Chòc człowieczé - w lëfce dżiną.
Ref. Nas sã nie dô òsamãtac,
Przë maszinie bëc jak òpi.
Chcemë nëkac précz nônãtã,
A jic w balã zagrac lepi.
