Lubiã pòzerac na kwiôtczi
jaczé kòl òkna sã chwieją -
chcą wierã pòzdrowic dzôtczi,
co do nich rôd sã smieją.
Słuńcownik żôłti sã zybie
Snôżi jak mòtilk na zymkù
rojina dërch sã kòlibie
i gôdô bez spòczinkù:
- Serca czëstëchné jak kwiatë
niech le w dzôtkach piãkno roscą
i mkną dëcht na wszedné swiatë,
na dobrą stegnã chłoscą.
Niech jak ne lelie bielëchné,
tëlpón, bes, maczi, nôczetczi,
sã rozwijają słodzëchné
słowa i czënë wszëtczé.
Ref. Czas nôpiãkniészi na swiece,
pòdobny do kwiatów wińca,
le môłé miéwają dzecë.
Żebë tak ni miôł kùńca!
| Utwór | Play/Stop | Czas | ||
|---|---|---|---|---|
| Brak utworów | ||||
