Ceszą sã pòmału knôpi i dzéwczãta
Bò ju znôwù przëszłé są gòdowé swiãta.
Dankã wëzdrzec je ju czas
Niech wòni w chëczach las
I wszëtczim niechże smieją sã òczãta.
Ref. Bò nóm sã w dëchù mësli, żebë tak
Dëcht z wszątka dzôtczi czëłë gòdów znak.
Bë kòżdi wiedno jestkù miôł do wòlë
I darënków òb te swiãta dostôł wiele.
Kò na swiece wszãdze niech sã dobrze dzeje
Kòżdé dzeckò dobroc niech wkół se blós czëje.
Tëlkò serce mòje le
Żëczebnëch ùdbów sle
W ten dzéń, czej Bòżiczk zaczął żëcé swòje.
Ref. Bò nóm sã w dëchù mësli...
