Barka

Pón czedës stanął na strądze, * Szukôł lëdzy, co rôd pùdą za Nim, *
Bë zbawic serca słów Bòżich Prôwdą.
Ref.Ach Panie, Wë dzys wezdrzelë na mie, * Dzysô Jezë czëjã Twòje
wòłanié, * Tej swój czôłen jô òstôwióm na brzegù, * Razã z Tobą nowi
zacznã dzys łów.
Jô jem le ùbòdżi człowiek, * Hewò skôrb mój to òchòtné rãce * Do prôcë z
Tobą i czësté serce.
Dzys më wëjedzemë razã * Łowic serca na mòrzach dësz lëdzczich *
Twi prôwdë jadrã i słowã żëcô.

Cebie, Bòże, sławic chcemë

Cebie, Bòże, sławic chcemë, * Tobie, Panie, wiecznô chwała. *
Cebie wielbią nieba brómë, *Cebie wielbi zemia całô.
Tobie wszëtcë Aniołowie, * Tobie Mòce i Niebiosë, * Cherubë,
Serafinowie * Slą wieczësti piesni głosë.
Swiãti, Swiãti, pònad wszëtkò, * Bóg Zôstãpów, Król łaskawi! *
Niebò, zemia, całé lëdztwò *Twój Majestat wiedno sławi.
Tobie ùrzmë Apòsztołów * Całé w chwale mãdrców stónë, * Tczã
niesc jidą z wszëtczich môlów * Cemiãżonëch biôłé gónë.
DoCe w kòżdi zemistronie *Czëc je głosë wiôldżi mòcë *Lëdztwò
spiéwô w zgódnym tónie * Swiãtą piesniã, Bòże, ò Ce.

Chto sã w òpiekã

Chto sã w òpiekã òddô Panu swémù * A całim sercã mòcno wierzi
Jemù * Mòże rzec smiało - w Bògù jô móm pòmòc * Nie przińdze na mie
żódnô strasznô nimòc.
Ce Òn òd wrodżich rãków wiedno strzeże * I bës nie zalégł w
pòszëdle i chërze *W céniswich skrzidłów zachòwô cã wieczno * Pòd Jegò
pieczą òbstojisz bezpieczno.
Statecznosc Jegò tarcz i zbroja mòcnô * Żlë za nią stojisz, na żóden
strach nocny * Nie darwôsz zważac, ani na złé mòce, * Chtërne codzénno
mògą côrnąc ò ce.
Kò jes rzekł Panu: „Të jes wiarą mòją”, * Że Bóg nôwëższi bądze
schrónią twòją * Nie trafi cë sã żódnô złô przigòda * Ani nie zdarzi cë sã
doma szkòda.
Aniołómswòjimkôże cã pilowac *Dze leno stąpisz, bądą ce piastowac.
*Na rãkach nosëc, bës nie czidnął nogą * Ò òstri kamiéń, czedë pùdzesz drogą.

Czej rené wstôjają rzozë

Czej rené wstôjają rzozë* Tobie zemia, Tobie mòrze *Chwałã spiéwô
żëcé wszedno, * Bògù wiôldżémù na wiedno.
A człowiek, co je przez miarã * Òbsëpóny Twòjim darã * Jes gò
stwòrził i wëzwòlił. *Czemùż bë Ce tej nie chwôlił?
Skòrno przetrzã leno òczë *Zarô mòdłë niosã do Ce, * Do Pana, co
je na niebie * I szukóm Gò kòle sebie.
Wiele z tëch, co wczora leglë * Òb noc smierc zabrała nôgle * Më
jesz wstelë, żebë Cebie * Chwalëc Bòże, co jes w niebie.

Wszëtczé naj codniowé sprawë

Wszëtczé naj codniowé sprawë * Przëjim żëczno, Bòże prawi, * A
czej w spikù głãbòk mdzemë, *Chwalëc téż Ce wnenczas chcemë.
Zdrok wcyg na nas Bóg czerëje *Widzy, co sã tuwò dzeje, * Gdze
sã człowiek grzészny biédzy, * I retënk le ù Ce widzy.
Nëkôj précz nocné przigòdë, * Òd wszeljaczi bróń nas szkòdë; *
Miéj bôczenié na nas wszãdze, * Stróżu i człowieczi Sãdzo.

Nôwikszi Król

Jô nalezc chcôłbë prôwdë sztëczk, * Te żëcô cwëk. * I szukóm
wszãdze -jem jak skòczk, * Ùcékóm w bòk.
I czasã mie sã zdôwô dëcht, * Że wszëtkò wiém. * Mómwiarã w môg
i lëdzczirëcht * -Brnã równak w złim.
Ref. Bò leno jedna je òdpòwiédz nóm, * Jedinô droga do szczescô
jidze: *To Christus Król - nasz Zbôwca Pón, * Òn blósretënk mô w dëszny
biédze.
Bez Bòga dobristegnë tur * Ùriwô sã. * Przed wiecznym szczescym
stôwiô mùr * Królestwò zła.
Je leno zmògnąc mòże w trón * - Za żôl nasz, ból - * Pón Jezës,
rządca rajsczich bróm* - Nôwikszi Król.

Të jes

Tëli serc òtemkłëch je, * Tëli głosów spiewac chce * Dobri ò Panie nasz, *
Co wszëtczich w òpiece môsz.
Ref. Të jes widã, * Co swiécy nóm w nocë i dnie * Co w drodze
pòmôgô mie. * W mòjim sercu dlô Ce chëcz, * Kò tak bëło i tak mùszi bëc.
Dobri w niebie Bóg Òjc wié, * Jaczi lud kaszëbsczi je. * Dobri, ò
Panie nasz, * Co wszëtczich w òpiece môsz.
Wëlatiwają te mëslë * Jak ptôchë z gniôzda, * Mòże zbùdzą serce
dze, * Mòże pòdniesą żôdżel pòrwóny wiatrã * Noc mòże zamienią w dzéń.
* Tëli serc òtemkłëch je...

Òjcze nasz

Na westrzódkù snôżi wsë * Z dôwna Bòsczi stoji dóm. * Przetrwôł
gwësno wieczi trzë, *A jesz wiedno je ten sóm.
Co dzéń biją zwònë trzë, *Przërôczają głosno nas. *Bësmë do kòscółka szlë, * Bò nôwëższi je ju czas.
Pòjmë, pòjmë chùtkò tam, * Kãdë zbòżny chôdô lud. * Tam cë z
dëszë spadnie kam, *Czej òfiarë ùzdrzisz cud.
Klëknij ze mną brace tej, * Czënë dëszë hewò zważ. * A za òjców
biédny krôj * Zmówi jesz rôz „Òjcze nasz”.

Ò, lubòtny Jezë

Czej rëbôk na mòrze swój bôtsturzëc chce, * Tej westchnie do Ce,
Jezë: „Bądze przë mie”. * Tam prowadzë bôt mój, dze gladë skrzi blôsk, *
Niech téż mie òminie sztorm i gromów trzôsk. * Chcã rëbë tam łowic, jak
apòsztoł Twój * I zbłądzoné dëszë - dlô Ce, Panie mój.
Ò, lubòtny Jezë, kòl Ce òbstojã, * Złim czënóm ë złoscóm sã
ùprocëmniã. * Të wiedno mie strzeżë i bądz kòle mie, * Wstec prowadzë
drogą, co wskôzëje Ce. * Bò wTobie, ò Jezë, nôdzeja le je, *Czejstrach mie
òbjimnie - Të stani przë mie.

Hewò Bóg dôł nóm...

Hewò Bóg dôł nóm żëcé. Bóg dôł nóm żëcé. * Hewò Bóg dôł nóm
żëcé, Żebë czestnic je! Czestnic je!
Hewò Bóg dôł nómZemiã.Bóg dôł nómZemiã. *Hewò Bóg dôł nóm
Zemiã, żebë krąca sã! Krąca sã!
Hewò Bóg dôł nómmëmã. Bóg dôł nómmëmã. * Hewò Bóg dôł nóm
mëmã, żebë kòchac jã! Kòchac jã!
Hewò Bóg dôł nóm szkòłã. Bóg dôł nóm szkòłã. * Hewò Bóg dôł
nóm szkòłã, żebë ùczëc sã! Ùczëc sã!
Hewò Bóg dôł nóm prôcã. Bóg dôł nóm prôcã. * Hewò Bóg dôł nóm
prôcã, żebë gòdno żëc! Gòdno żëc!
Hewò Bóg dôł nóm spiewac. Bóg dôł nóm spiewac. * HewòBóg dôł
nóm spiewac. Bogù spiewac chcã! Spiewac chcã!